InicioLugo e contornaDenunciado un condutor en Lugo por provocar un accidente e negarse a...

Denunciado un condutor en Lugo por provocar un accidente e negarse a realizar a proba de alcoholemia

PUBLICADA O

- Advertisement -

Policía Local de Lugo denunciou a un condutor por provocar un accidente de circulación e negarse a realizar a proba de alcoholemia, segundo informa.

Os feitos producíronse, explica, na noite do pasado luns, día 28. Os axentes desprazáronse ás proximidades do campo de fútbol das Gándaras por un sinistro no que un vehículo que se atopaba estacionado, nunha praza reservada para persoas de mobilidade reducida e sen autorización, inicia a manobra de marcha atrás e golpea a outro coche estacionado á beira contrario da calzada.

O condutor, engade a Policía, “presentando signos evidentes de acharse baixo a influencia de bebidas alcohólicas”, negouse a facilitar os seus datos e á realización das probas regulamentarias. Así, os efectivos instruíron dilixencias por delito contra a seguridade viaria cunha pena de prisión de seis meses a un ano e privación do dereito para conducir vehículos de motor e ciclomotores por tempo superior a un e ata catro anos.

Este home foi denunciado tamén por presentar permiso de condución caducado, estacionar en zona reservada para persoas de mobilidade reducida carecendo de autorización, conducir sen a dilixencia suficiente para evitar dano propio ou alleo e non comunicar a súa identidade.

A Policía Local de Lugo tamén abriu expediente por un delito contra a seguridade viaria a outro condutor que deu positivo nas probas de detección de alcoholemia.

Ademais, o pasado martes, día 29, os axentes detectaron a cinco persoas ocupando espazo público para a venda ambulante, carecendo de autorización, durante a celebración dun mercadillo semanal. Os mesmos foron identificados e para cada un deles propúxose unha sanción de 600 euros.

ÚLTIMAS

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Anunciado o traspaso das parcelas para a nova Comisaría de Policía Nacional en Lugo

O delegado do Goberno en Galicia, Pedro Blanco, e o alcalde de Lugo, Miguel...

Miguel Fernández elude situarse sobre os candidatos a presidir o PSOE provincial

O alcalde de Lugo, Miguel Fernández, eludiu situarse e explicar a que candidato apoiará no...