InicioMovementos sociaisA fronte pola convivencia coa fauna silvestre amplíase dende Lugo

A fronte pola convivencia coa fauna silvestre amplíase dende Lugo

Un novo movemento a prol da convivencia coa fauna silvestre integra a varios colectivos preexistentes en resposta á confusa xestión do xabaril

PUBLICADA O

- Advertisement -

A Plataforma Galega pola Convivencia Ética coa Fauna Silvestre xorde da necesidade de abordar doutro xeito a convivencia coa fauna silvestre. De normalizar, concienciar e informar nun contexto de “falla de transparencia e confusión”. A alianza integra a Adega, Anonymous For The Voiceless, Equo Galicia, Lugo Animal Save e persoas particulares, co gallo de favorecer a participación e profundar na causa contra a desinformación e a discriminación dos núcleos do rival.

Así, a estrea da Plataforma aspira a limitar as “mensaxes imprudentes e sensacionalistas” que unicamente “xeran alarma entre a opinión pública, e que contribúen a sesgar a realidade e a percepción social sobre as especies silvestres”. Entende a entente animalista que os anuncios das administracións ao respecto do xabaril forman parte dunha campaña de desinformación.

Outro dos obxectivos primordiais da Plataforma é volver a centrar a discusión pública na realidade de Lugo, “cidade de carácter e contorna profundamente rural”. Seguindo este plantexamento, consideran que o “achegamento puntual de xabarís e doutra fauna silvestre á cidade de Lugo non debe entenderse ou presentarse como un feito inusual”.

Contra o dirixismo da Xunta de Galicia e o Concello de Lugo, en conivencia coa Federación Provincial de Caza, dende a renovada fronte animalista esixen “unha análise rigurosa”. Isto inclúe a “persoas expertas” sobre a convivencia con animais silvestres, institucións científicas –Escola Politécnica Superior, Facultade de Veterinaria, Fundación Rof Codina, etcétera– e de “colectivos de carácter ecoloxista, animalista, sindical e veciñal”.

En definitiva, a Plataforma Galega pola Convivencia Ética coa Fauna Silvestre érguese como mecanismo de presión ante as institucións públicas, das que esixen a promoción de estudos científicos e a implantación de ferramentas éticas, e non letais, para a xestión da fauna silvestre.

+ posts

ÚLTIMAS

“Esta é a violencia laboral que vivimos”: a CIG denuncia presións, ameazas e problemas de saúde na banca galega

A perda de dereitos laborais, o descenso dos salarios e as presións para acadar...

Besteiro acusa a PP e Vox de “ter présa” por esquecer os asasinatos franquistas e pide en Lugo “memoria, xustiza e dignidade”

O secretario xeral do PSdeG, José Ramón Gómez Besteiro, reivindicou este xoves en Lugo...

A Deputación de Lugo renova a xestión de tres espazos turísticos e destina preto de 400.000 euros a estradas

A Deputación de Lugo deu luz verde á adxudicación da xestión de tres instalacións...

A Xunta dá o ‘ok’ ambiental á ampliación dunha granxa avícola en Friol ata case 77.000 pitos

A Xunta deu o visto e prace ambiental á ampliación dunha explotación avícola, ata...