A Garda Civil imputou en calidade de investigado a un veciño de Lugo, de 56 anos, como presunto autor dun delito de abandono animal tras deixar ao seu can nunha terraza dunha vivenda sen comida nin bebida.
Segundo informou o Instituto Armado, o home supostamente abandonou na terraza dun piso, que tiña en réxime de arrendamento, a un can de raza Rottweiler.
A investigación, na que colaborou a Consellería de Medio Ambiente, finalizou coa cesión voluntaria do animal e o seu posterior ingreso no hospital veterinario Rof Codina para valoración.
Posteriormente, entregárono á Sociedade Protectora de Animais e Plantas de Lugo, onde permanece a disposición xudicial. Os axentes instruíron as dilixencias oportunas que serán entregadas de Xulgado de Instrución de garda de Lugo.
