InicioLugo e contornaLugoA Raíña Sofía visita o Banco de Alimentos, un "soño cumprido" para...

A Raíña Sofía visita o Banco de Alimentos, un “soño cumprido” para a entidade

Os responsables e voluntarios do banco destacan a proximidade e humildade da ex monarca.

PUBLICADA O

- Advertisement -

A Raíña Sofía visitou este luns o Banco de Alimentos de Lugo, onde se interesou pola actividade que leva a cabo a entidade benéfica e as circunstancias persoais que rodean aos seus beneficiarios. Para os responsables do banco de alimentos, esta visita supón “un soño cumprido”.

Durante a súa visita á nave da entidade, situada no Polígono de O Ceao, a Raíña Sofía estivo acompañada pola conselleira de Política Social e Igualdade, Fabiola García, a alcaldesa de Lugo, Paula Alvarellos, e o deputado de Promoción Económica e Social, Pablo Rivera Capón, que participou en representación do presidente do Goberno provincial.

A presidenta da entidade benéfica, Amadora Núñez, foi a encargada de guiar á ex monarca durante a súa visita, explicándolle a actividade que realiza o banco de alimentos e como traballan os 35 voluntarios que traballan nel.

Ademais, comentou á prensa, expuxéronlle algunhas das súas demandas, como dispor de máis vehículos, xa que agora mesmo só contan cun do tres dos que tiñan. A raíña, contou, díxolle a unha das persoas que a acompañaban que “tomase nota”.

Con todo, para a responsable do banco, a visita en si mesma é xa un compromiso. “Foi moi emocionante. É unha persoa tan próxima, tan sinxela. É que estaba a gusto, parábase coa xente, estaba a gusto falando connosco. Dixo: Grazas polo traballo que facedes, é marabilloso. Así que algo debemos de estar a facer ben cando decidiu vir connosco”, relatou.

A RAÍÑA, SORPRENDIDA POLA “MESTURA DE NACIONALIDADES”

A visita, matizou, partiu de Casa Real. “Nós non nos atrevemos a tanto como convidar á raíña a vir a un banco de alimentos como este, que é unha cousa sinxela, humilde”, destacou. Amadora Núñez apuntou que á Raíña Sofía chamoulle a atención a “mestura de nacionalidades” entre os beneficiarios da actividade do banco. A ex monarca recibiu varios detalles de parte dos voluntarios e dos responsables do banco de alimentos, que lle entregaron un ramo de flores.

Por outra banda, a presidenta explicou aos xornalistas parte do traballo que desenvolven no banco, no que atenden a máis de 1.780 familias de toda a provincia e no que colaboran agora mesmos 35 voluntarios e para o que hai lista de espera con case unha decena de persoas.

ÚLTIMAS

Adra Pallón, o fotógrafo lucense que retrata a desaparición deses “lumes ou casas habitadas”

"Unha voz que se move entre o berro, a denuncia e a homenaxe", así define...

XXI Xornadas Técnicas de Seragro: 14 e 15 de novembro

O comité organizador das XXI Xornadas Técnicas de Seragro está xa a traballar na...

Altri sobre a súa planta en Palas: “non emitirá dioxinas nin será prexudicial para a saúde”

Greenfiber, do grupo portugués Altri, defende que a planta de fibras téxtiles que proxecta...

Detido un veciño de Mondoñedo tras romper peches de campos de pasto de gando vacún

A Garda Civil detivo a un veciño da localidade lucense de Mondoñedo tras romper...