InicioSucesosA xuízo por insultar, acosar e ameazar de morte a unha parella...

A xuízo por insultar, acosar e ameazar de morte a unha parella homosexual en Lugo

Polo menos en dúas ocasións ameazaron á parella con facerlles dano ou matalos, e acusáronos de "pedófilos".

PUBLICADA O

- Advertisement -

Audiencia Provincial de Lugo celebrará o vindeiro xoves día 16 o xuízo contra un home acusado de insultar, acosar, amedrentar e ameazar de morte a unha parella homosexual que residía en Lugo. Segundo o escrito de Fiscalía, o acusado, posto de común acordo con dous menores, dedicouse durante o mes de maio de 2022 a insultar e ameazar en repetidas ocasións a unha parella homosexual que residía na cidade, con “absoluto desprezo” cara a eles. En concreto, o acusado e os seus dous cómplices menores “chamaron en diversas ocasións de maneira insistente” ao interfono da vivenda, golpearon a porta do portal, tiraron pedras ás xanelas do domicilio e proferíronlles expresións vexatorias como “fodido maricón”.

Polo menos en dúas ocasións ameazaron á parella con facerlles dano ou matalos, e acusáronos de “pedófilos”. Nunha ocasión, o procesado ou un dos seus acompañantes deu patadas á porta do portal onde residía a parella á vez que gritaba “subirei, entrarei e matareiche”, mentres que noutra gritou desde a vía pública a unha das vítimas que ía regresar “morto a Irlanda”, de onde era orixinario. O Ministerio Público considera os feitos constitutivos dun delito e odio e de dous delitos de ameazas e pide para o procesado tres anos e nove meses de prisión, así como unha multa de 3.240 euros e unha indemnizació de 1.500 euros para cada un dos prexudicados.

ÚLTIMAS

Interceptado en Lugo un condutor ebrio e drogado que carecía de permiso para conducir

Un condutor foi interceptado cando circulaba sen permiso de condución baixo os efectos do...

Becerreá rexistrou este sábado un terremoto de 2,5 graos de magnitude

O municipio lucense de Becerreá rexistrou este sábado un terremoto de 2,5 graos de...

Galicia, vixiante co sarampión: detéctanse en Lugo os dous primeiros casos dende 2020

A Consellería de Sanidade reforzou a vixilancia contra o sarampión despois de detectar que repuntes...

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...