InicioLugo e contornaUn xulgado fai firme a sentenza que obriga a unha residencia de...

Un xulgado fai firme a sentenza que obriga a unha residencia de Vilalba a readmitir a unha empregada que reclamou melloras

Obriga a Fundación Hospital Asilo a indemnizar con 7.501 euros por danos morais á empregada.

PUBLICADA O

- Advertisement -

O xulgado do Social número 1 Lugo fixo firme a sentenza que obriga á Fundación Hospital Asilo de Vilalba a readmitir a unha empregada que denunciara irregularidades no funcionamento da residencia. 

O fallo, emitido o 18 de marzo e que foi comunicado este venres polo Sindicato Labrego Galego, ratifica o fallo en primeira instancia do pasado mes de novembro que declarou nulo o despedimento desta empregada, que deberá ser indemnizada con 7.501 euros por danos morais e recoñece o seu dereito a percibir os salarios que deixou de percibir. Na súa sentenza, o xulgado considera acreditado que a fundación que xestiona a residencia onde traballaba a empregada vulnerou os dereitos fundamentais da empregada.

As reivindicacións do persoal da residencia de maiores xestionada pola Fundación Hospital Asilo de Vilalba para denunciar a alta carga de traballo das profesionais e as súas precarias condicións laborais comezaron en 2021.

Co paso dos meses, as demandas transformáronse en concentracións apoiadas polos sindicatos e nas que participou de maneira activa a traballadora despedida, que agora deberá ser readmitida.

ÚLTIMAS

Adra Pallón, o fotógrafo lucense que retrata a desaparición deses “lumes ou casas habitadas”

"Unha voz que se move entre o berro, a denuncia e a homenaxe", así define...

XXI Xornadas Técnicas de Seragro: 14 e 15 de novembro

O comité organizador das XXI Xornadas Técnicas de Seragro está xa a traballar na...

Altri sobre a súa planta en Palas: “non emitirá dioxinas nin será prexudicial para a saúde”

Greenfiber, do grupo portugués Altri, defende que a planta de fibras téxtiles que proxecta...

Detido un veciño de Mondoñedo tras romper peches de campos de pasto de gando vacún

A Garda Civil detivo a un veciño da localidade lucense de Mondoñedo tras romper...