O PP de Lugo tachou de “hipócrita” ao BNG e ao seu portavoz nacional, Ana Pontón, á que acusou de ir á cidade a “dar titulares de prensa que pretenden ser belixerantes co Goberno central cando á hora da verdade son os cooperadores imprescindibles para que o PSOE siga castigando a Lugo e condenándoa a ser a cidade con peores comunicacións de España”.
Tal e como explican nun comunicado, para o grupo municipal o BNG prioriza os seus intereses políticos “por encima das necesidades dos lucenses”.
A este respecto, os populares recrimináronlles que “cando tiveron ocasión de ser determinantes e poder achegar a Lugo algo que lles dea valor, foron absolutamente sumisos”, en alusión aos acordos da investidura con Pedro Sánchez, “onde comprometeron melloras que non se cumpriron”.
“Afortunadamente, cando os lucenses tiveron a ocasión de elixir a quen queren para liderar o futuro e a defensa de Galicia fronte ao Goberno central, optaron polo Partido Popular e a Alfonso Rueda, con máis dun 50% de apoio o 18 de febreiro, e o pasado 23 de xullo converteron á provincia no de máis apoio para o PP de toda España“, conclúen.
