InicioSociedadeO alcalde en funcións de Lugo colga de forma simbólica a bandeira...

O alcalde en funcións de Lugo colga de forma simbólica a bandeira de Palestina no Concello

"Buscaremos unha localización definitiva para a bandeira, como mostra de apoio a unha solución pacífica para o conflito de Palestina", apuntou o alcalde en funcións Rubén Arroxo.

PUBLICADA O

- Advertisement -

O alcalde de Lugo en funcións, Rubén Arroxo, acompañado por outros concelleiros nacionalistas, colgou este martes de forma simbólica a bandeira Palestina da fachada do Concello.

O acto, do que informou o grupo municipal do BNG nun comunicado, correu a cargo de dous veciños lucenses procedentes de Palestina.

“Realizamos esta acción en cumprimento co acordo do pleno de decembro, como mostra de solidariedade do concello e de todos os veciños de Lugo co pobo palestino, que está a pasar un momento moi difícil”, sinala Arroxo.

Así mesmo, explicou que a bandeira foi colgada dunha forma simbólica, pero que non permanecerá na fachada do Consistorio debido ás restricións marcadas pola Lei de Bandeiras. “Buscaremos unha localización definitiva para a bandeira, como mostra de apoio a unha solución pacífica para o conflito de Palestina”, apuntou.

Con esta medida, destacou que Lugo se converte, xunto con Girona e Málaga, nos únicos concellos de todo o Estado que colgaron a bandeira Palestina da súa Casa Consistorial.

ÚLTIMAS

A neve e a choiva dificultaron este domingo a circulación nas estradas de 10 concellos de Lugo

A Deputación de Lugo activou este domingo un operativo para facer fronte aos efectos...

A restauración da Capela da Soidade de Lugo terminará en abril e permitirá a saída dos pasos de Semana Santa

As obras de restauración da Capela da Soidade da Venerable Orde Terceira en Lugo...

A neve complica a circulación e corta o paso de camións na A-6 desde Portela de Valcarce a Pedrafita

A neve caída nas últimas horas complica a circulación e corta o paso de...

Cervantes rexistra ata 20 centímetros de neve nunha xornada na que a Deputación despexa as estradas

O Concello de Cervantes foi un dos máis afectados na provincia de Lugo pola...