InicioPolíticaO Goberno provincial de Lugo "satisfeito" co adianto electoral porque "é o...

O Goberno provincial de Lugo “satisfeito” co adianto electoral porque “é o momento” de que Galicia “avance”

A Deputación aproba a construción dun aparcadoiro no polígono de Paradela e colabora coa instalación en Viveiro do belén xigante

PUBLICADA O

- Advertisement -

A portavoz do Goberno provincial de Lugo, Pilar García Porto, agradeceu este venres ao presidente da Xunta, Alfonso Rueda, o adianto electoral anunciado e manifestou que o Partido Socialista quere “que haxa eleccións” e quere “que haxa un cambio”.

“Estamos satisfeitos de que Rueda convoque por fin eleccións, que se acolla á demanda que faciamos desde o Partido Socialista porque é o momento de que Galicia mellore e de que Galicia avance despois de 14 anos de goberno do Partido Popular”, declarou García Porto, ao termo da reunión ordinaria da Xunta da Deputación Provincial.

“O PP fixo moitas promesas e fixo moitos anuncios pero non materializou políticas que redundasen directamente na mellora de Galicia. Sobre todo en provincias como a nosa, unha provincia eminentemente rural”, agregou.

A portavoz socialista do Executivo provincial revelou tamén na súa comparecencia os asuntos tratados e os acordos alcanzados na reunión ordinaria da Xunta de Goberno. Así, anunciou a aprobación da adxudicación das obras para a construción dun aparcadoiro no polígono industrial de Paradela, que recibirá un investimento de “algo máis de 130.000 euros” e que contará con 42 prazas, dúas delas adaptadas.

Tamén anunciou Pilar García Porto que a Deputación de Lugo colaborará, “cunha achega de 40.000 euros”, coa instalación do belén xigante na localidade de Viveiro, “un recurso consolidado que atrae a miles de persoas e que ten un importante retorno económico” e “un atractivo máis”, dixo, para o municipio nestas festas de Nadal.

Finalmente, a portavoz socialista comunicou a adxudicación do contrato para a subministración de equipos de protección individual, roupa de traballo e informes para o persoal da Deputación Provincial por un importe de 60.137 euros.

ÚLTIMAS

Elena Candia valora o compromiso da Xunta con Lugo, pero critica a falta de proxectos do alcalde

A portavoz do Partido Popular de Lugo, Elena Candia, valorou a reunión entre o...

Detida unha persoa e identificadas outras 31 nun dispositivo de inspección en locais de lecer en Lugo

Unha persoa foi detida e outras 31 identificadas no marco dun dispositivo de inspección...

Desatascar a praia fluvial e as obras da Rolda Este, compromisos acadados entre Xunta e Concello

A Xunta de Galicia e o Concello de Lugo alcanzaron compromisos, tras unha reunión conxunta mantida este martes,...

A Deputación de Lugo vende cinco parcelas en dous polígonos industriais da provincia

Cinco novas parcelas industriais foron adquiridas nos polígonos de Paradela e Begonte nunha operación...