O Concello de Lugo alertou dunha posible estaba tras recibir comunicación por parte de Gestagua –empresa encargada da planta potabilizadora- de que o pasado fin de semana varios cidadáns puxéronse en contacto telefonicamente para alertar de que “comerciais dunha compañía contratada polo Concello” visitaron os seus domicilios para realizar tomas de mostras da auga de consumo e tomar todo tipo de datos relativos aos residentes.

O edil de Transición Ecolóxica, Miguel Fernández, advirte de que “en ningún caso, o Concello, nin a empresa Gestagua, son responsables desta campaña”. “Os controis analíticos preceptivos levan a cabo de acordo coa normativa vixente por parte dunha empresa acreditada a tal fin e en ningún caso tómanse mostras dentro de domicilios particulares, moito menos sen a debida acreditación da identidade”, avisa.

A administración local alerta á cidadanía “para que tomen as debidas precaucións e impedir a entrada no seu domicilio a estes falsos representantes”. O concelleiro lembra que “por actuacións similares no pasado podería tratarse de empresas comercializadoras de equipos de depuración domésticos”. O “modus operandi” das mesmas consiste en tomar mostras, que someten a unha falsa análise, consistente en enturbar a mostra e convencer ao usuario da necesidade de adquirir o correspondente equipo de depuración, que ten un alto custo, sen ser necesario.