Un boleto selado en Lugo resultou agraciado cun premio de 59.819,62 euros no sorteo da Primitiva deste sábado, ao ser un do tres acertantes de cinco números máis o complementario. Este boleto vendeuse na administración da Avenida da Coruña, 433 da capital lucense.
A combinación gañadora compúñana os números 03, 49, 43, 32, 07 e 15 máis o 41 (complementario) e o 4 (reintegro), non habendo ningún boleto acertante nin de categoría especial (seis acertos máis o reintegro) nin de primeira categoría (seis acertos), segundo informa Lotarías e Apostas do Estado e recolle Europa Press. Os outros dous boletos de cinco acertos máis o complementario, ademais do selado en Lugo, rexistráronse nos municipios de Valencia de Don Juan (León) e Estepona (Málaga).
