A Autoridade Xudicial decretou o ingreso en prisión de tres dos catros detidos en Lugo como presuntos autores dun roubo con violencia nunha gasolineira do arrabalde da cidade.

Segundo informou a Policía Nacional, os feitos sucederon o pasado fin de semana cando catro persoas, no interior dun turismo, chegaron á gasolineira e tres deles baixaron coa cara totalmente tapada, mentres que o cuarto esperounos no coche.

O tres homes dirixíronse á zona de caixa onde, tras mostrar un coitelo “de grandes dimensións e ameazar ao operario”, abriron a caixa rexistradora e “retiraron todo o diñeiro” que contiña. O empregado da gasolineira, cando se viu liberado da ameaza, chamou ao 091 que mobilizou os medios necesarios para acudir ao lugar e solicitar ‘in situ’ as primeiras informacións sobre o ocorrido.

Posteriormente, e en menos de 24 horas, os axentes procederon á identificación e detención dos catro autores, que foron postos a disposición da Autoridade Xudicial que decretou o ingreso en prisión de tres deles.