InicioSucesosSete mozos enfróntanse a sancións de 900 euros de multa por...

Sete mozos enfróntanse a sancións de 900 euros de multa por ouriñar na vía pública

A Policía Local identifica tamén a un mozo interceptado na rúa cunha bolsa con cocaína e a un home que triplicaba a tasa de alcoholemia máxima permitida.

PUBLICADA O

- Advertisement -

Policía Local de Lugo sorprendeu esta pasada fin de semana a un total de sete mozos mentres ouriñaban na vía pública. Enfróntanse a sancións de ata 900 euros por infrinxir a lei galega de residuos.

Segundo consta no balance de incidencias do corpo municipal entre a noite do venres e a do domingo, foron efectivos do Grupo Operativo Nocturno os que interceptaron a estas sete persoas: tres na rúa Fernández Varela, dúas en Pío XII, unha na rúa Catedral e outra na rúa Clérigos.

Por outra banda, a Policía Local localizou a un mozo en rúa Nova cunha sustancia, presumiblemente cocaína, nunha bolsa termoselada. Cando os axentes trataron de identificalo, emprendeu unha fuxida a pé, pero foi interceptado ao momento. O mozo foi trasladado a dependencias policiais para a súa completa identificación e enfróntase tamén a unha infracción á lei de seguridade cidadá.

CONTROIS DAS ESTRADAS

No que respecta ás estradas, a fin de semana a Policía Local chegou a controlar a máis de 2.400 vehículos, dos que 78 foron sancionados por exceso de velocidade. En canto ás alcoholemias, un condutor enfróntase a un posible delito contra a seguridade viaria ao arroxar un positivo de 0,78 miligramos por litro en aire respirado, máis do triplo do máximo permitido. Os axentes déronlle o alto na rúa Salvador de Madariaga e comprobaron que presentaba signos de embriaguez.

Por outra banda, os axentes municipais realizaron a fin de semana un dispositivo especial para o control do cumprimento da normativa de espectáculos públicos, especialmente na zona histórica, cun total de sete locais de hostalaría sancionados.

ÚLTIMAS

A alcaldesa de Lugo avoga por que a esquerda “axunte esforzos” na súa provincia para evitar “voto inútil”

A alcaldesa de Lugo, Lara Méndez, considera que a esquerda "debe axuntar esforzos", tamén na...

A provincia de Lugo desprega 112 operarios e 64 máquinas para garantir a seguridade viaria este inverno

O presidente da Deputación de Lugo, José Tomé Roca, presentou o plan de viabilidade invernal para...

Convocan as primeiras xornadas de Saúde Mental en Lugo, a provincia co maior número de suicidios en España

A asociación de voluntariado autonómica Stop Suicidio Lugo anunciou este venres a celebración das...

Brendan Shine, un inglés do Corgo que presenta o seu primeiro libro

Brendan Shine é un músico, cantante e deportista que leva anos asentado no Corgo...