InicioSociedadeUn lucense deberá indemnizar con 6.000 euros á vítima dunha agresión racista

Un lucense deberá indemnizar con 6.000 euros á vítima dunha agresión racista

A Audiencia impón a un veciño de Lugo 1.620 euros de multa e a obriga de indemnizar a un cidadán marroquí que sofre secuelas na visión

PUBLICADA O

- Advertisement -

A Audiencia Provincial de Lugo condenou a un veciño da capital por unha agresión racista, pola que deberá pagar unha multa de 1.620 euros, ademais de indemnizar á vítima con 6.000 euros pola incapacidade temporal e as secuelas na visión. O agresor asumirá asemade os custes médicos, outros 1.560 euros.

Segundo consta no escrito da Sección Segunda do Xulgado de Instrucción Número 1 de Lugo, o condenado, un home de 36 anos sen antecedentes penais, atopábase nun bar da Avenida da Coruña cando dirixiu contra un marroquí estabelecido en Lugo as expresións “marcha para o teu país” e “moro de merda”. Seguidamente, arremeteu contra este residente de longa duración, que estaba sentado canda a barra, rematando os dous no chan.

O denunciante da agresión racista recibiu varios golpes na faciana, que ocasionarion diversas lesións no ollo esquerdo. As feridas tardaron setenta e un días en curar, pasando dúas semanas impedido para traballar. Mais a peor parte é que quedou con secuelas na visión, con alteracións postraumáticas, fotofobia e prexuízo estético pola alteración do iris.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...