InicioFeaturedAmplo seguimento na segunda xornada de folga do metal de Lugo e...

Amplo seguimento na segunda xornada de folga do metal de Lugo e os sindicatos esperan que a patronal “tome nota”

CC.OO. advirte de que "o seguinte paso" é convocar un paro de carácter indefinido.

PUBLICADA O

- Advertisement -

A segunda xornada de folga no sector do metal na provincia de Lugo desenvólvese sen incidencias e cun amplo seguimento que os sindicatos cifran nun 90%. En declaracións a Europa Press, o portavoz de CC.OO. José Luís López espera que a patronal “tome nota” porque despois deste martes hai convocadas seis novas xornadas de paro e “o seguinte paso” é convertelo en indefinido.

A diferenza do primeiro día de folga, este martes conformáronse dous piquetes informativos “para abarcar todos os polígonos” e ás 12,30 horas desenvolverase unha manifestación no polígono da Campiña, ante a sede da patronal.

Os traballadores, varios centenares en cada piquete segundo os datos que manexan as organizacións sindicais, critican que non haxa “diñeiro para pagar o IPC” e avisan de que non cesarán nas súas protestas ata conseguir este punto, que é o que mantén bloqueada a negociación para un novo convenio.

En xornadas pasadas houbo varias reunións no seo do Consello Galego de Relacións Laborais, pero terminaron sen acordo. De non haber avances, haberá de novo paros este xoves 25 de maio, o 31, o 2 de xuño e o 6, 7 e 8.

ÚLTIMAS

O BNG insta o Senado a rexeitar o proxecto de Altri tras o “clamor social” manifestado en Palas de Rei

A senadora do BNG, Carme da Silva, defenderá esta semana unha moción no pleno da Cámara...

Tres feridos nun accidente entre un turismo e un camión en Vilalba

Tres persoas resultaron feridas este luns nun accidente de tráfico rexistrado na autovía A-8...

Paula Alvarellos reactiva os contactos co IGVS sobre os proxectos de Casa Torre, Dona Urraca e O Castiñeiro

A alcaldesa de Lugo, Paula Alvarellos, retomou as conversacións co Instituto Galego de Vivenda e Solo para avanzar...

Destinaranse tres millóns de euros ó proxecto de reforma do estadio Anxo Carro

A Xunta de Galicia espera licitar en xaneiro de 2025 a obra de reforma...