Axentes da Policía Local de Lugo detectaron a un menor de idade, de 16 anos, que carecía de calquera permiso ou licenza de conducir ao volante dun vehículo que circulaba de forma irregular na rúa Santiago. Estaba acompañado do seu pai.
Así, instruíronse dilixencias por delito contra a seguridade viaria contra o condutor menor de idade e contra o seu pai como cooperador necesario, na modalidade de xuízo rápido.
Doutra banda, na noite do martes, efectivos do grupo Nocturno estableceron diferentes filtros de seguridade viaria, en vías do centro urbano e detectaron a un condutor que lanzou un resultado positivo de 0,35 miligramos / litro e outro que deu positivo en drogas (THC e cocaína).
En canto ao primeiro, abríuselle un expediente sancionador con multa de 500 euros e a retirada de catro puntos do permiso de conducir. Mentres, ao segundo, abríuselle un expediente cunha sanción de mil euros e a retirada de seis puntos do permiso de condución.
SEN CINTO DE SEGURIDADE
Doutra banda, tamén foron sorprendidos oito condutores que non facían uso do cinto de seguridade, de forma que foron sancionados 200 euros e a retirada de catro puntos do permiso de conducir.
Outro condutor foi sancionado por non usar o sistema de retención infantil e outro por levar a cabo unha reforma de importancia non autorizada. Ademais, tres vehículos foron detectados sen seguro obrigatorio e tres condutores non pasaran a ITV no prazo debido.