O rei Felipe VI estará en Lugo o vindeiro venres, 5 de maio, para visitar, xunto a varias autoridades galegas, o acto central do Tour do Talento 2023, unha iniciativa da Fundación Princesa de Xirona que despregará na cidade máis de 40 actividades.
Este evento, que se celebrará entre os días 2 e 7 de maio, contará cun programa enfocado a potenciar a empregabilidade, o emprendimiento e as competencias profesionais máis demandadas polas empresas, entre outras cuestións.
O acto central do Tour do Talento Lugo 2023 será o 5 de maio, no Auditorio Municipal Gustaovo Freire, coa presenza do xefe do Estado. Ademais, durante o mesmo acto desvelarase o fallo do Premio Princesa de Xirona Investigación Científica 2023.
O Tour do Talento conta coa colaboración do Concello de Lugo como coorganizador do evento, así como de Fundación Vertex Bioenergy, Norvento Enerxía, a Xunta de Galicia e a Universidade de Santiago de Compostela (USC).
