InicioEconomíaEntra en servizo o aparcadoiro público municipal do HULA

Entra en servizo o aparcadoiro público municipal do HULA

O aparcadoiro situado a carón do HULA conta con 363 prazas e vixilancia diaria por parte da Policía Local para disuadir aos aparcacoches

PUBLICADA O

- Advertisement -

As persoas usuarias do Hospital Universitario Lucus Augusti (HULA) teñen dende este luns a opción de estacionar os vehículos de xeito gratuíto e a carón do recinto hospitalario. O goberno local inaugurou o novo aparcadoiro municipal, con capacidade para 363 automóbiles, habilitado no predio próximo logo dun investimento de 119.000 euros. 

A alcaldesa Lara Méndez explicou que a infraestrutura está concebida para dar rendabilidade social, en contraste co modelo vixente no HULA, consistente nun aparcadoiro privado. Dende o executivo xustifican a obra polas altas tarifas que se aplican no hospital, erixido en terreos que foron adquiridos polo Concello ao Ministerio de Defensa.

O pleno da corporación local acordou por unanimidade esta solución, despois de demandar á administración autonómica prazas públicas e de balde. “A xente vén por necesidade”, dixo Méndez, que celebrou a posta en servizo do aparcadoiro “para seguir avanzando no modelo de cidade que queremos”. A obra finalizou cinco meses despois da licitación.

A nova superficie complementa a ampliación das prazas realizada en 2016, previa reordenación do estacionamento na estrada que circunda o centro hospitalario. Con ambas actuacións, as prazas de balde ascenden a 513, un esforzo imprescindible por mor da enorme demanda que xera o HULA, polo que pasan cada día entre tres mil e catro mil lucenses. 

Intensificación da vixilancia e bando

A rexedora aproveitou a ocasión para anunciar que, ante a apertura deste novo aparcadoiro, intensificarase a vixilancia da Policía Local na contorna. Un operativo diario durante primeiros meses terá por obxectivo disuadir aos aparcacoches, as persoas que piden cartos a cambio de orientar aos condutores. Ademais, avanzou que se traballa na elaboración dun bando para tentar atallar esta situación, para que os usuarios non sexan obxecto de “procedementos ilícitos”.

As obras

As obras consistiron no movemento de terras, explanación e nivelación do terreo, que se cubriu con xabre, e a instalación dun peche perimental vexetal de tulla. Ademais, protexeuse a mámoa cun peche de madeira, que comprende postes verticais unidos por elementos horizontais tamén de madeira, formando dúas varandas a distintas alturas, a cinco metros de distancia dos restos arqueolóxicos. As actuacións conlevaron un control arqueolóxico no xacemento.

ÚLTIMAS

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...

Detida unha muller por violencia doméstica ao agredir ao seu home e a outra muller

Unha muller foi detida en Lugo acusada dun delito no ámbito familiar e de lesións por...

Detidos tres veciños de Vilalba acusados de vender pezas de coches por Internet e non remitilas aos seus compradores

A Garda Civil detivo a tres veciños do municipio lucense de Vilalba acusados de vender pezas...