O Partido Socialistapresentará candidaturas para as próximas eleccións municipais do 28 de maio nos 67 municipios de Lugo, a totalidade dos concellos da provincia. Así o confirmou a formación cun comunicado, no que destacan que, con este dato, cúmprese un dos “grandes obxectivos” marcados polo secretario xeral provincial, José Tomé.

As últimas propostas de lista aprobada foron as de Friol, Muras, Xove e Paradela, que foron validadas pola Comisión de Listas. Por tanto, o PSOE conta con candidatos no 100% dos municipios da provincia. Froito diso, o PSOE de Lugo renova o 37% dos candidatos, combinando mocidade e experiencia. Ademais, presentará 24 mulleres, o 36% dos candidatos. “Un feito histórico do que sentimos moi orgullosos e unha mostra clara da nosa continua aposta real pola igualdade, na que seguiremos traballando”, indicou.