InicioSucesosPiden 11 anos de prisión para un home acusado dun delito continuado...

Piden 11 anos de prisión para un home acusado dun delito continuado de agresión sexual a unha menor

Pide que ao procesado se lle impoña a prohibición de achegarse a unha distancia inferior a 500 metros á prexudicada

PUBLICADA O

- Advertisement -

A sección segunda da Audiencia Provincial de Lugo acolle este xoves, a partir das 10,00 horas, o xuízo contra un home que está acusado dun delito continuado de agresión sexual a unha menor.

A Fiscalía de Lugo solicita 11 anos de prisión para este home que, segundo o escrito de cualificación, mantivo relacións sexuais completas coa menor no domicilio onde ambos convivían entre os anos 2013 e 2015. A vítima denunciou os feitos en 2021, cando era maior de idade.

O Ministerio Público pide que ao procesado se lle impoña a prohibición de achegarse a unha distancia inferior a 500 metros á prexudicada, ao seu domicilio, lugar de estudo ou traballo, ou calquera outro onde se atope, así como a prohibición de comunicarse con ela por calquera medio por prazo de 15 anos.

De igual forma, a Fiscalía considera que se lle debe impor a pena de liberdade vixiada por prazo de oito anos, a inhabilitación especial para o exercicio da patria potestade sobre a menor por prazo de oito anos e a inhabilitación especial para calquera profesión ou oficio, sexa ou non retribuído, que leve contacto regular e directo con menores de idade por tempo de 18 anos.

Como responsabilidade civil, expón que indemnice á prexudicada por estes feitos na cantidade de 9.000 euros.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...