O Subsector de Tráfico da Garda Civil de Lugo investiga a 16 condutores pola comisión de 17 delitos contra a seguridade viaria cometidos entre os días 27 de febreiro e 5 de marzo en distintas estradas da provincia.
Segundo destacou o Instituto Armado nunha nota de prensa, 11 deles foron investigados por superar as taxas regulamentarias e cinco por circular cun vehículo carecendo carné. Un deles foi interceptado cando circulaba en sentido contrario pola autovía A-6. A este último atribúeselle a suposta comisión de dous delitos: condución temeraria e alcoholemia positiva.
Ademais, o martes 28 de febreiro sobre as 19,30 horas, en Pedrafita do Cebreiro, detectouse a un home, de 54 anos e veciño de Pontevedra, que conducía un vehículo articulado e quintuplicó a taxa máxima de alcol permitida.
Así mesmo, nos delitos relativos á suposta carencia do permiso de conducir, nun dos casos a condutora non obtivera nunca o permiso de conducir, mentres que nos restantes, realizaban a condución tras decretarse unha perda de vixencia do seu permiso de conducir por esgotar o seu saldo de puntos.
