O condutor dun vehículo chocou na noite do sábado contra unha vivenda deshabitada do barrio da Milagrosa, en Lugo, cando fuxía da Policía. Ademais, deu positivo no control de detección de drogas.

Ao parecer, os axentes déranlle o alto ao detectar que o coche carecía do seguro obrigatorio. Nese momento, o condutor saltouse o control e terminou chocando contra unha casa situada no cruzamento entre as rúas Camiño Verde, Dona Urraca e Mazaira.

O home, que conta con antecedentes, saíu ileso e deu positivo no test de detección de drogas. En concreto, en cocaína e haxix, aínda que non en alcol.