InicioSucesosA repetición do xuízo do crime de Desirée Leal, un novo "calvario"...

A repetición do xuízo do crime de Desirée Leal, un novo “calvario” para o pai

Teño que loitar para que se faga xustiza á miña nena", di o proxenitor.

PUBLICADA O

- Advertisement -

O pai de Desirée Leal, José Manuel Leal, asegurou que para el a repetición do xuízo, que levará a cabo a partir do luns da próxima semana na Audiencia Provincial de Lugo, suponlle revivir “un calvario”.

En concreto, o próximo 27 de febreiro comezará o xuízo contra a nai de Desirée, Ana Sandamil, polo crime da pequena de sete anos cuxo cadáver aparecía na casa desta en Muimenta, Cospeito. Nun primeiro xuízo con xurado foi condenada a prisión permanente revisable, aínda que o Tribunal Superior de Xustiza de Galicia (TSXG) ordenou repetilo.

“Toca volver pasar por ese pesadelo”, indicou José Manuel Leal, que xa avanza que volverá pedir para o seu exparella a prisión permanente revisable, aínda que deslizou que “oxalá fose condenada a cadea perpetua”.

Da repetición, Leal confesou que lle supón “persoalmente un calvario” e “o ter que revivir todo”. “Sigo pensando que o xurado popular fíxoo moi ben e non queda outra, agora, que loitar. Teño que loitar para que se faga xustiza á miña nena”, dixo.

A continuación, deixou claro que isto “non termina aquí, porque aínda queda o recurso de casación ante o Tribunal Supremo”. Dito isto, expresou o seu convencemento de que Sandamil recorrerá ante este alto tribunal se finalmente volve ser condenada”. Tamén el faría o mesmo se Sandamil non é condenada a prisión permanente revisable, segundo dixo.

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

A compañía de teatro do Campus de Lugo galardoada na mostra de ‘Teatro Joven’ de Donostia

Deixando a pel da compañía de teatro universitario USC- Lugo obtivo o premio á mellor...

O PPdeG demandará “máximo rigor” na tramitación da planta de biometano de Coeses, en Lugo

O portavoz do Grupo Parlamentario Popular, Alberto Pazos, acompañado dos deputados lucenses Encarna Amigo,...