María Rancaño Fernández faleceu aos 95 anos na súa casa de Gontán, en Abadín, onde no ano 1976 puxo en marcha unha quesería xunto co seu marido, José López, tamén falecido xa, que sería a orixe dunha marca recoñecida en Galicia: Lácteos Lorán.
A impulsora deste negocio, que segue en mans da familia e se expandiu no mercado tras ampliar as súas liñas de produción, faleceu este martes.
Ten catro fillos e un deles, José López Rancaño, é alcalde de Abadín desde o ano 1983. A fundadora de Lácteos Lorán será enterrada na localidade lucense da Pontenova.
