InicioTerra CháBegonteBegonte volve á normalidade aínda que hai veciños que non puideron regresar...

Begonte volve á normalidade aínda que hai veciños que non puideron regresar ás súas casas

O temporal Fien tamén fixo estragos no sistema de calefacción dalgunhas de vivendas e "os afectados aínda continúan aloxados en casa de familiares".

PUBLICADA O

- Advertisement -

O alcalde de Begonte, José Ulla, constatou este venres unha melloría “clara” das condicións meteorolóxicas e indicou que, aínda que “o caudal do río está máis alto de normal por mor das choivas, que non cesaron, non hai perigo para a poboación”.

Así as cousas, sinalou que os veciños que tiveron que ser desaloxados das súas vivendas pola inundación das mesmas puideron xa empezar a regresar aos seus fogares, aínda que non todos o fixeron.

O temporal Fien tamén fixo estragos no sistema de calefacción dalgunhas de vivendas e “os afectados aínda continúan aloxados en casa de familiares”. O Concello xa anunciou a articulación dun sistema de axudas para os habitantes de Begonte que visen as súas vivendas alagadas.

Espera que os “seguros cubran practicamente todo”, pero “non quita que como institución haxa a obrigación moral de axudar dentro das nosas posibilidades aos afectados”.

O rexedor, José Ulla, explicou que aínda non hai nada firme, pero que se valoran “entre os 400 e os 500 euros por familia afectada”. En canto aos tempos, apuntou que “aínda é pronto, pero traballarase para que sexa canto antes”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...