Unha vez concluído o Ano Santo 2021-2022, a localidade lucense de Portomarín, en pleno Camiño Francés, continúa recibindo un goteo “constante” de camiñantes, en torno unha vintena ao día, que prolongan a tempada de peregrinación.
O alcalde, Pablo Rivas, destacou que moitos destes peregrinos “aínda alongan a tempada e déixanse ver polo concello”, algúns deles mesmo pasando alí estas datas do Nadal.
“É unha forma diferente ao que estamos adoitados, que é a velos máis durante a tempada estival, na que a súa presenza é máis multitudinaria”, destacou o alcalde, quen subliñou que, nestas datas, a experiencia é “diferente”. “Un comentoume que xa o fixo no verán e que quería vivir esa experiencia no inverno, que é unha experiencia diferente”, presumiu.
Pechado o Ano Santo, Pablo Rivas sinalou que “no 2022 batéronse records de aloxamento” na localidade e para 2023 as expectativas “tampouco son peores”.
