A Garda Civil detectou un vehículo circulando a 214 km/h na A-54, ao seu paso por Lugo. Foi interceptado na área de servizo da A-6 no Corgo. Segundo explican nun comunicado, os feitos tiveron lugar ás 13,15 horas do venres, na autovía A-54, á altura do quilómetro 14,100, dentro do termo municipal e partido Xudicial de Lugo.
Un cinemómetro da Garda Civil captou a un turismo circulando a unha velocidade de 214 km/h, cando a velocidade máxima no lugar é de 100 km/h, velocidade específica para o tramo de vía.
Tras a constatación do exceso de velocidade identificouse o condutor na área de servizo da A-6 no Corgo, que resultou ser un veciño da Rioxa, de 35 anos de idade, imputándoo en calidade de investigado como suposto autor dun delito contra a seguridade viaria por condución a velocidade excesiva, confeccionando as oportunas dilixencias para o Xulgado de Instrución de Garda de Lugo.
