InicioSociedadeLara Méndez insta á Xunta a retirarlle as prestacións sociais aos 'gorrillas'...

Lara Méndez insta á Xunta a retirarlle as prestacións sociais aos ‘gorrillas’ do HULA

Anuncia a creación dun segundo "leiraparking".

PUBLICADA O

- Advertisement -

A alcaldesa de Lugo, Lara Méndez, instou á Xunta a “revisar” as prestacións sociais que, di, perciben os ‘gorrillas’ que operan nas inmediacións do Hospital Lucus Augusti (HULA).

Este venres, a rexedora luguesa remarcou que o goberno local está “comprometido” con combater estes episodios que, ao seu xuízo, están derivados dos prezos “tan altos” do aparcadoiro na zona, algo do que responsabiliza á Administración autonómica. Neste sentido, manifestou que o concello continuará “incidindo no control e na vixilancia” na zona, onde se están producindo “tres denuncias cada dous días”, ou que “mostra o compromiso claro e decidido” do seu goberno.

Así mesmo, avanzou a creación de “un segundo” espazo de aparcadoiro –bautizado como ‘leiraparking’-– para “habilitar máis espazos e que teñan máis comodidades tanto os usuarios que se achegan ao HULA, non só da cidade, senón de toda a provincia”.

“Seguiremos esixindo á Xunta que manifeste ese compromiso con Lugo e atenda as peticións que se lle fan desde a Alcaldía”, aseverou Méndez, que pide á Administración galega que leve a cabo a “revisión” de prestacións como a Risga que poidan percibir as persoas que levan a cabo estas prácticas .

“Hai que incidir na seguridade, pero tamén habilitar instrumentos administrativos para que poida ter unha consecuencia e así sensibilizar de que iso non é unha actividade e non se pode exercer como tal”, expuxo. Para a rexedora, “unha mostra gráfica desa situación é que os propios facultativos teñen que facer uso dos aparcadoiros municipais porque non teñen eses espazos destinados para tal fin”, lamentou.

ÚLTIMAS

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

Terá Lugo nova estación de tren e autovía a Santiago en 2025?

O ministro de Transportes e Mobilidade Sustentable, Óscar Puente, garantiu este venres en Lugo que...

Adxudicada as obras de acondicionamento e mellora da LU-710 que conecta a N-V coa A-6, en Baralla

A Consellería de Vivenda e Planificación de Infraestruturas adxudicou por 2.302.355 euros a execución...

Falece o empresario José Rouco tras saírse da vía co seu vehículo e chocar contra outros dous estacionados

O empresario José Rouco perdeu a vida tras saírse da vía co seu vehículo...