InicioSociedadeO Arde Lucus 2023 xa ten data

O Arde Lucus 2023 xa ten data

Celebrarase do 22 ao 25 de xuño.

PUBLICADA O

- Advertisement -

Arde Lucus do ano 2023 celebrarase do 22 ao 25 de xuño. Así o anunciou a alcaldesa de Lugo, Lara Méndez, ás asociacións que participan nesta festa de recreación histórica, que aspira a recibir recoñecemento internacional, xa que este mes o Concello presentará a candidatura para ser declarada Festa de Interese Turístico Internacional, despois de ostentar xa o galego e o nacional.

Durante a cea de confraternización que mantivo co colectivo de asociacións este sábado, Lara Méndez destacou o alcance social, turístico e económico que xera esta festa, un dos motivos, sinalou, polos que anuncian as datas “axiña que” co obxectivo de permitir que o tecido asociativo, os veciños, a hostalaría e o comercio poidan prepararse e traballar con previsión.

Ademais, segundo trasladou o consistorio municipal, a alcaldesa sinalou que nesta edición seguirán potenciando novas actividades para “continuar atraendo miles de persoas e convidalas a gozar cos lucenses da transformación que experimenta a capital que, con fidelidade, retrocede no tempo para pór en valor o legado cultural e histórico” que posúe.

Así mesmo, a rexedora lembrou que o que comezou como unha festa para incentivar o sector hostaleiro do centro histórico, cunha duración dunha noite e enfocado á mocidade, “converteuse nunha festa cun elevado compoñente identitario, patrimonial, cultural, lúdico e de dinamización económica” que, engadiu, fana “única en España polo grao de implicación da cidadanía”.

“É sen dúbida o maior dos seus éxitos”, concluíu a alcaldesa antes de convidar de novo ás Asociacións do Arde Lucus a iniciar a preparación da XXII edición.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...