InicioSociedadeO pai de Desirée Leal irá a xuízo en decembro por ameazas...

O pai de Desirée Leal irá a xuízo en decembro por ameazas á actual parella da nai e asasina da súa filla

PUBLICADA O

- Advertisement -

José Manuel Leal, o pai de Desirée, a nena de sete anos asasinada pola súa nai en Muimenta (Cospeito, Lugo) en maio de 2019, irá a xuízo en decembro por ameazas á actual parella da condenada, Ana Sandamil, que se atopa en prisión.

O pai confirmou que o xuízo “será en decembro”, aínda que asegura que “non é o que máis” lle “preocupa”. Son unhas ameazas que nega e polas que o noivo da nai de Desirée “levou a dúas testemuñas que tamén testificaron a favor da asasina”.

“Xa no seu día declararon a favor da asasina, e agora declararon a favor dese individuo. É non ter corazón. Non houbo ameazas, o que fan é máis dano do que xa hai”, lamentou.

XUÍZO

José Manuel Leal confesou que “a espera” sobre a resolución do xuízo do asasinato da súa filla se lle fai longa, por canto está pendente de que se resolva o recurso que presentou Ana Sandamil ante o Tribunal Superior de Xustiza de Galicia (TSXG) á condena a prisión permanente revisable que lle impuxo a Audiencia Provincial de Lugo tras o veredicto de culpable que emitía un xurado popular.

José Manuel Leal xustificou este atraso de máis dun mes porque “estarán a revisar toda a causa, porque hai unha chea de declaracións e de documentación”. “Claro que a espera se fai longa, pero non queda máis remedio que esperar e se rectifique a prisión permanente revisable para ese monstro“, que é como describe Leal á que fose tamén a súa parella.

A pequena Desirée falecía por asfixia, logo dunha inxesta de medicamentos, o tres de maio de 2019, na casa da nai en Muimenta, o mesmo día que o pai a tiña que recolleLA para pasar o fin de semana xuntos.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...