InicioSociedadeA Federación Veciñal de Lugo acusa de "falsos progresistas" aos que defenden...

A Federación Veciñal de Lugo acusa de “falsos progresistas” aos que defenden os dereitos dos okupas

Pide que se reforme a lei para "poder desaloxar aos okupas en 28 ou 48 horas"

PUBLICADA O

- Advertisement -

A Federación de Asociacións de Veciños de Lugo volveu a insistir na necesidade de que se reforme a lei para “poder desaloxar aos okupas nun prazo de 24 ou 48 horas“.

O movemento veciñal volve á carga sobre este asunto, despois de que na pasada xornada se detivera a un okupa tras o incendio nun edificio semiabandonado na rúa Cidade de Viveiro da cidade de Lugo. Pouco antes das 12,30 horas deste martes avisábase do lume, en concreto nun inmoble de varias plantas, no que tiveron que intervir varias dotacións de bombeiros da cidade. Quedou extinguido sobre as 19,00 horas.

O presidente do movemento veciñal, Jesús Vázquez, reiterou que é preciso cambiar as leis. “Parece ser que ten prioridade un falso progresismo, que non deixa de ser un falso progresismo, que o dereito á propiedade”, advertiu. “Hai xente que pasou moito sacrificio para adquirir un piso, para adquirir unha casa ou un baixo. A nosa postura é moi clara, hai que reformar a lei e hai que equipararse a Europa”, sinalou.

“Se ti demostras que es o propietario do piso hai que desaloxalo, teña contrato falso ou non o teña e se poida proceder, así, a que ti es o dono do que en teoría deberías de ser que é a túa propiedade”, agregou, para concluír que a modificación lexislativa debería impulsarse de forma “inminente”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...