InicioPolíticaTomé: "Espero que a Xunta non traizoe á Ulloa como xa traizoou...

Tomé: “Espero que a Xunta non traizoe á Ulloa como xa traizoou á Mariña”

O presidente da Deputación de Lugo, disposto a volver aspirar á Alcaldía de Monforte.

PUBLICADA O

- Advertisement -

O presidente da Deputación de Lugo e rexedor de Monforte, o socialista José Tomé, manifestou as súas intencións de presentarse á reelección á Alcaldía do concello monfortino nas municipais do próximo ano.

O tamén secretario provincial do PSOE lugués sinalou este venres que será o candidato se “os veciños perciben unha boa xestión e se os compañeiros queren”. Tomé, que exerceu como tenente de alcalde do 2011 ao 2015 e como alcalde desde ese ano, puntualizou que “hai que seguir adiante co proxecto de modernizar o concello, sobre todo agora que está a revivir industrialmente”.

En canto á súa posible continuidade á fronte da Deputación de Lugo, Tomé confesou que esa decisión corresponde a “os compañeiros e órganos do partido os que teñen que tomar a decisión no seu momento”. “Agora tócanos gañar alcaldías, sacar o mellor resultado posible. Se despois os compañeiros valoran que o traballo que fixen estes catro anos merece a pena, eu estarei a disposición do partido”, aseverou.

CRÍTICAS Á XUNTA

Ademais, o presidente da Deputación de Lugo aproveitou para afear o papel da Xunta co veto da Unión Europea á pesca de fondo, ao que acusou de inacción. “Nin sequera foron a Bruxelas a interesarse por este asunto”, dixo.

Neste contexto, Tomé subliñou que a situación da pesca lémbralle a Alcoa. “Utilizárona sempre politicamente cando non era competencia súa, e todo aquilo que era competencia súa, como Vestas en Viveiro, á Xunta non está nin lla espera”, engadiu.

Ao fío disto, tamén acusou á Xunta de “traizoar” á comarca da Mariña “e xa non só pola crise industrial”, senón por Altri, a multinacional portuguesa de fibras téxtiles que elixiu Palas de Rei como posible emprazamento dunha fábrica que, segundo Tomé, “comprometeuse a que ía estar en Cervo”.

José Tomé sinalou que “o único” que espera é que agora non “se traizoe á Ulloa”. “Non vaia a ser que primeiro foi a Mariña e agora A Ulloa porque hai moitas incógnitas sobre esa implantación. Espero que sexa unha realidade pero polas noticias que chegan non está confirmado. Espero que non sexa outra broma da Xunta de Galicia”, aseverou.

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

A compañía de teatro do Campus de Lugo galardoada na mostra de ‘Teatro Joven’ de Donostia

Deixando a pel da compañía de teatro universitario USC- Lugo obtivo o premio á mellor...

O PPdeG demandará “máximo rigor” na tramitación da planta de biometano de Coeses, en Lugo

O portavoz do Grupo Parlamentario Popular, Alberto Pazos, acompañado dos deputados lucenses Encarna Amigo,...