InicioPolíticaA Xunta conclúe en Lugo a rolda de contactos de cara á...

A Xunta conclúe en Lugo a rolda de contactos de cara á Lei de Ordenación do Litoral

Os obxectivos desta primeira norma autonómica son "autogobernar" o litoral e regular a costa desde unha tripla perspectiva; ambiental, social e económica.

PUBLICADA O

- Advertisement -

A Xunta concluíu en Lugo a rolda de contactos que iniciou o pasado mes de setembro cos concellos costeiros de Galicia para recoller as súas achegas á futura Lei de ordenación do litoral de Galicia e sumar esforzos ante as decisións e cambios normativos a nivel estatal.

Despois de destacar que preto de medio centenar de representantes municipais participaron nestes encontros, a conselleira de Medio Ambiente, Territorio e Vivenda, Ángeles Vázquez, lembrou que este luns, 17 de outubro, termina o período de consulta pública previa da que prevé ser a primeira norma autonómica nesta materia, cuxos obxectivos principais son “autogobernar” o litoral e regular a costa desde unha tripla perspectiva; ambiental, social e económica.

“Queremos ofrecer seguridade xurídica para as empresas que operan xa no litoral ou para aquelas que se queiran implantar na costa”, dixo Ángeles Vázquez durante a reunión, na que estivo acompañada polo delegado territorial da Xunta en Lugo, Javier Arias, e pola secretaria xeral técnica da consellería, Carmen Bouso.

Segundo dixo a Xunta, os sucesivos cambios levados a cabo polo Goberno central desde 2018 na normativa de costas “poñen en risco en toda a Comunidade ao redor de 4.000 edificacións en dominio público marítimo terrestre”, das que 339 están na provincia de Lugo.

Nesa liña, incidiuna en que, nos 9 concellos da provincia lucense, o Instituto de Estudos do Territorio identificou como afectadas 247 edificacións de carácter privado, 57 inmobles empresariais ou industriais, nove instalacións deportivas e un cemiterio.

ÚLTIMAS

Ulloa Viva traslada aos grupos do Congreso a oposición ao proxecto de Altri

Unha delegación da Plataforma Ulloa Viva desprazouse este martes a Madrid para visitar o...

O BNG pide á Xunta que dote ao PAC de Lugo de persoal suficiente

A viceportavoz parlamentaria do BNG e deputada pola provincia de Lugo, Olalla Rodil, reclamou á Xunta que dote...

Baralla, epicentro de tres pequenos terremotos en pouco máis de dúas horas

O municipio de Baralla, en Lugo, foi epicentro de tres movementos sísmicos, rexistrados en pouco...

Medio centenar de produtores da Ulloa súmanse a un manifesto contra a instalación de Altri

Uns 50 produtores e empresarios da comarca da Ulloa e arredores sumáronse este martes...