InicioSucesosSorprenden un mozo en Lugo mentres tenta entrar nunha vivenda porque "había...

Sorprenden un mozo en Lugo mentres tenta entrar nunha vivenda porque “había un tesouro dentro”

O home asegurou que unha muller lle mandaba acceder a ela.

PUBLICADA O

- Advertisement -

A Policía Local de Lugo sorprende un mozo mentres tentaba acceder a unha vivenda na rúa Montrión xa que unha muller “lle mandaba acceder a ela porque había un tesouro no seu interior”. Segundo explica o Concello de Lugo nun comunicado, os feitos ocorreron o mércores día 5 ás 10,50 horas cando os axentes recibiron información de que unha persoa tentaba acceder ao inmoble.

Tras o aviso, os axentes acudiron ao lugar e puideron observar a presenza dun mozo de 22 anos que se atopaba na vía pública retirando os parafusos que aseguran os peches de madeira que selaban as xanelas, algún dos cales “xa fora totalmente retirado”.

Os axentes procederon a identificar ao novo e preguntáronlle pola súa relación coa vivenda, ao que respondeu que unha muller lle mandaba acceder a ela porque había un tesouro no seu interior, segundo informou o concello.

Ademais, indicou aos axentes de que a muller se atopaba nas inmediacións no interior dun vehículo, do que o mozo lle facilitou a marca. Ante isto, os policías decatáronse que á súa chegada ao lugar observaran un coche que encaixaba coa descrición, pero que xa non estaba na zona cando regresaron ao momento onde o viron estacionado.

UN INCENDIO HAI TEMPO

Desta forma, comezaron as investigacións para poder identificalo, xa que a través de diferentes testemuños solicitaron algún dato máis. Durante as indagacións iniciais puideron saber que os peches das xanelas foron instalados polo servizo de extinción de incendios municipal, porque o edificio sufrira un incendio hai tempo.

Ante estes feitos, os axentes instruíron dilixencias dirixidas ao xulgado de garda.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...