InicioPolíticaOs socialistas de Lugo piden ao Sergas que permita aos maiores de...

Os socialistas de Lugo piden ao Sergas que permita aos maiores de 80 anos vacinarse na PAC e non en hospitais

PUBLICADA O

- Advertisement -

O secretario xeral do PSdeG na provincia de Lugo, José Tomé, pediu ao Servizo Galego de Saúde (Sergas) que permita aos maiores de 80 anos vacinarse nos Puntos de Atención Continuada (PAC) no canto de en os hospitais.

Tal como lamentaron os socialistas nun comunicado, Sanidade está a citar aos maiores de 85 anos para recibir a cuarta dose da vacina contra o Covid-19 nos centros hospitalarios e non na PAC de referencia de cada concello, como xa se fixo en anteriores ocasións.

A Xunta debe recapacitar e corrixir esta decisión errónea. Do mesmo xeito que é lóxico que o Sergas leve a vacina ás residencias maiores, ten que levala aos centros de saúde, para facilitar o desprazamento máis curto posible aos veciños de maior idade”, reivindicou José Tomé Roca.

Para el, con esta “medida incomprensible” sobre todo nunha provincia “eminentemente rural e cunha poboación tan dispersa” como é Lugo, o Goberno galego está a ocasionar “un trastorno e un problema ás familias, dificultando gravemente que acudan a vacinarse as persoas maiores porque teñen que desprazarse moitos quilómetros para poder facelo”.

O secretario xeral dos socialistas lucenses criticou que esta decisión é unha “mostra clara da debilidade e a infradotación de persoal á que está a someter a Xunta á Atención Primaria”.

ÚLTIMAS

Denunciado por cuadriplicar a taxa máxima de alcoholemia e ter un accidente en Lugo

A Policía Local de Lugo denunciou por un delito contra a seguridade viaria a un condutor,...

Dous menores e a súa nai, trasladadas con síntomas de intoxicación por monóxido de carbono en Monterroso

Dous menores e a súa nai tiveron que ser evacuadas na madrugada deste venres...

Brendan Shine, un inglés do Corgo que presenta o seu primeiro libro

Brendan Shine é un músico, cantante e deportista que leva anos asentado no Corgo...

Enagás volverá presentar o hidroducto a Guitiriz a axudas europeas

Enagás reitera que o hidroducto Guitiriz-Zamora, que quedou fóra da lista de proxectos de interese...