A Deputación de Lugo convocou todos os procesos selectivos necesarios para a estabilización de 110 prazas ocupadas ata o momento por persoal temporal, en cumprimento do disposto na Lei 20/2021, do 28 de decembro, de medidas urxentes para a redución da temporalidade no emprego público.
Así, a xunta de goberno deste venres aprobou as bases xerais e específicas que rexerán os procesos selectivos para 88 prazas polo sistema de concurso de acceso libre, tras acordar hai unha semana as correspondentes a 22 prazas por concurso-oposición libre.
Os perfís das prazas aprobadas van desde administrativos, porteiro, condutor, deliñante, enxeñeiro, persoal de biblioteca, economista ou peón.