A Deputación de Lugo destina máis dun millón de euros a obras nunha decena de estradas

O goberno provincial acordou o acondicionamento de vías que pasan polos municipios de Portomarín, Negueira de Muñiz, Vilalba, Guitiriz, Trabada, O Saviñao, Lugo e Guntín.

Nota De Prensa, Foto E Corte: A Deputación De Lugo Adxudica Un Investimento De 1,2M Para Melloras En 10 Estradas Provinciais. DEPUTACIÓN DE LUGO

A xunta de goberno da Deputación de Lugo adxudicou un investimento de 1,2 millóns de euros para obras de mellora nunha decena de estradas provinciais.

En concreto, o goberno provincial acordou o acondicionamento de vías que pasan polos municipios de Portomarín, Negueira de Muñiz, Vilalba, Guitiriz, Trabada, O Saviñao, Lugo e Guntín.

Así o anunciou en rolda de prensa a portavoz socialista da Deputación, Pilar García Porto, quen subliñou “o elevado ritmo de traballo e de xestión” neste mandato. Valora que, só neste verán, sacaron adiante, en xunta de goberno, un volume de investimentos de 3,5 millóns para a mellora de 23 estradas.

Así mesmo, adxudicouse o contrato para a subministración de emulsión asfáltica para os servizos que presta o parque móbil da institución provincial, por un importe duns 680.000 euros.