InicioEconomíaA hostalaría lucense celebra un verán "de cifras prepandemia" e prevé un...

A hostalaría lucense celebra un verán “de cifras prepandemia” e prevé un bo setembro

A crise do gas e o alto prezo dos combustibles soben os prezos, pero non frea o consumo de lecer.

PUBLICADA O

- Advertisement -

Agosto despídese nun verán que deixa bos datos para a hostalaría lucense. O presidente da Asociación Provincial de Empresarios de Hostalaría e Turismo de Lugo (APEHL), Cheché Real, fala de “cifras prepandemia” nun balance “positivo” do período estival.

Os hoteis en Lugo rozaron o 80% da súa ocupación, “algo que non se vía desde o 2018/2017”, e esperan con boa perspectiva que setembro sexa un mes atractivo para as persoas visitantes. Segundo Real, setembro sempre “colea” e seguen aparecendo na provincia de Lugo algúns turistas dispostos a “gozar do lecer e a gastronomía”, aínda que con matices.

“A pesar de que en setembro sempre hai visitantes, é certo que depende moito do tempo que faga. Se chove, a afluencia baixa. Outro ano pediriamos bo tempo, pero despois de todos os problemas coa seca sabemos que a auga é necesaria”, admite.

Segundo os seus cálculos, a ocupación hoteleira neste noveno mes do ano estará entre o 50% e o 60%, cifras que lles fan abrazar con “optimismo” o peche de tempada.

CRISE ENERXÉTICA

O presidente da APEHL fala, tamén, de como está a repercutir no sector a crise enerxética e o elevado prezo dos carburantes. “O gas subiu, o petróleo subiu e isto o que provoca é que os custos se disparen e tamén repercuta nos prezos porque, evidentemente, unha empresa non se pode soster a base de perdas“, exclama.

No entanto, Cheche Real quere destacar que, a pesar deste incremento dos custos, o prezo do produto, das cartas e os menús “non soben no mesmo porcentaxe”, polo que pon en valor o “esforzo” da hostalaría lucense para coidala e adaptala ás necesidades e demandas da clientela.

Tras a pandemia e os peches obrigados polas restricións nos últimos dous anos, Real recoñece que “houbo casos nos que non se puideron soportar e pecharon”, pero polo xeral “o sector está a saber reinventarse e facer fronte a todas as crises, a da enerxía agora e a sanitaria antes”.

ÚLTIMAS

Interceptado en Lugo un condutor ebrio e drogado que carecía de permiso para conducir

Un condutor foi interceptado cando circulaba sen permiso de condución baixo os efectos do...

Becerreá rexistrou este sábado un terremoto de 2,5 graos de magnitude

O municipio lucense de Becerreá rexistrou este sábado un terremoto de 2,5 graos de...

Galicia, vixiante co sarampión: detéctanse en Lugo os dous primeiros casos dende 2020

A Consellería de Sanidade reforzou a vixilancia contra o sarampión despois de detectar que repuntes...

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...