Catro persoas, dous adultos e dous menores, tiveron que ser evacuadas este xoves ao resultar feridos despois de sufrir un accidente de tráfico en Guntín. Segundo informa o 112 Galicia, ocorreu ao fío das 16,30 na A-54, en Entrambasaugas. A esa hora, un particular chamou á central de emerxencias para avisar de que unha furgoneta chocara contra a mediana da autovía e que ninguén saíra do vehículo.

Seguidamente, os xestores do 112 pasaron o aviso ao 061, aos bombeiros de Chantada e ao GES de Monterroso. Do mesmo xeito, foron avisados os axentes da Garda Civil de Tráfico. Finalmente, os membros do GES confirmaron ao 112 Galicia a evacuación do catro feridos en ambulancia.

E.P.

+ postsBio ⮌

This author does not have any more posts