O Xulgado do Penal número 2 de Lugo celebrará o vindeiro xoves 28 de xullo o xuízo contra un home acusado de corrupción de menores.
Segundo o escrito do Ministerio Fiscal, no curso dunha investigación sobre distribución de pornografía infantil a través de internet, o 2 de decembro de 2016 procedeuse á entrada e rexistro do domicilio do procesado, maior de idade e sen antecedentes penais.
No mesmo interviñéronse un computador portátil, unha táblet, así como diferentes dispositivos de almacenamento e outros aparellos electrónicos onde foi achado “diverso material de contido pornográfico infantil”.
En concreto, contiñan máis de 3.000 arquivos nos que “aparecen menores de idade” e que o acusado tiña “para o seu propio uso”.
Fiscalía cualifica os feitos de delito de corrupción de menores polo que pide unha pena dun ano de prisión e liberdade vixiada durante os dous anos posteriores con obrigación de participar en programas de educación sexual.
