InicioLugo e contornaLugoO PP facilitará a aprobación do 5% do plan xeral de Lugo...

O PP facilitará a aprobación do 5% do plan xeral de Lugo por “responsabilidade”

O viceportavoz do Partido Popular no Concello de Lugo, Antonio Ameijide, sinalou con respecto ao goberno bipartito (PSOE e BNG) que "foron moi rápidos para converterse no goberno máis caro da historia".

PUBLICADA O

- Advertisement -

O viceportavoz do Partido Popular no Concello de Lugo, Antonio Ameijide, anunciou que o seu grupo votará a favor do cinco por cento que falta por resolver do Plan Xeral de Ordenación Municipal da cidade luguesa.

“Estamos en condicións de anunciar o noso voto a favor do plan xeral para que despois de 24 anos salga dunha vez por todas ao completo”, incidiu Ameijide, que responsabilizou a PSOE e BNG do bloqueo na aprobación do plan durante os últimos 11 anos.

Este xoves, o pleno ordinario do concello volverá debater o 5% que resta por aprobar do plan xeral, que agora sairá adiante polos votos do oito concelleiros do PSOE e o dez do PP.

O BNG, con cinco asentos na corporación votará en contra e os dous de Ciudadanos volverán absterse. Dito documento precisa da maioría absoluta que non logrou no pleno da pasada semana.

Ameijide xustificou o voto a favor dos populares “por responsabilidade, por coherencia e sobre todo por Lugo porque cando toca escoller entre o Partido Popular e Lugo escollemos sempre a Lugo”.

Ademais, lamentou con respecto ao goberno bipartito (PSOE e BNG) que “foron moi rápidos para converterse no goberno máis caro da historia, pero non foron tan rápidos en porse de acordo no asunto máis importante a nivel urbanístico e a nivel político desta cidade, probablemente, desta lexislatura”.

Neste sentido, Ameijide considerou que a alcaldesa, Lara Méndez, debe cesar de forma “inmediata” aos cinco concelleiros do BNG que forman parte do seu goberno pola súa postura sobre a PXOM

O que non podemos permitirnos os lucenses é manter un goberno de 13 concelleiros que non son capaces de porse de acordo para un documento de vital importancia como é o plan xeral”, aseverou o popular.

ÚLTIMAS

A UNED de Lugo finaliza o curso cun aumento do 13% na súa matrícula

O Centro Asociado da UNED en Lugo acolleu este xoves a reunión ordinaria da...

Creado un punto de atención en Portomarín para dar asistencia básica e curas aos peregrinos

O conselleiro de Sanidade, Antonio Gómez Caamaño, destacou a colaboración entre o seu departamento...

Condenan a 8 anos ao home que matou ao seu pai cun disparo na cabeza

C.V.V., un veciño de 49 anos, aceptou este mércores declararse culpable do asasinato con...