Gandeiros de leite ecolóxico constituíron en Lugo unha organización a nivel estatal que aglutina ao 20% da produción de leite cru de todo o Estado.
A organización parte da Asociación de Produtores de Leite Ecolóxico de Galicia, que funciona desde o ano 2019 con 34 gandarías que producen 12 millóns de quilos de leite.
Destas, 29 súmanse á organización, que aglutina ao 12,4% das explotacións de bovino de leite de España e ao 20% da produción estatal de leite cru.
Segundo os seus promotores, o obxectivo “é mellorar o propio sector, optimizando os custos de produción e mellorar as condicións para os socios”.
A asociación fai un chamamento aos gandeiros de produción ecolóxica a sumarse “para obter un beneficio mutuo”.
