- Advertisement -
A Consellería de Política Social colabora coa ‘Pretorian Race’, a primeira carreira de obstáculos para persoas con discapacidade que se celebra en Lugo.
O director xeral de Maiores e Persoas con Discapacidade, Fernando González Abeijón, asistiu este domingo á carreira que conta cunha categoría específica, a Pretorian Champions ‘Cidade de Lugo’, para persoas con discapacidade.
“Trátase da primeira carreira de obstáculos en España deste tipo, que supón un novo impulso para a integración deste colectivo”, explican nun comunicado.
González Abeijón destacou a importancia de colaborar con eventos como este, que se celebrou no Pazo de feiras e congresos e que “promoven valores tan importantes como a superación e a integración”.
