A Deputación de Lugo expresou este martes as condolencias polo pasamento repentino de Cristóbal Víctor Fraga Bermejo, secretario xeral da autoridade provincial, e persoa moi querida entre funcionarios e representantes políticos. O loito é compartido entre todos os servidores públicos, pois o finado contaba cunha longa carreira de servizo na administración pública.
Licenciado en Ciencias Políticas e en Dereito, Fraga Bermejo tomara posesión da praza en abril de 2017, logo de exercer como secretario no Concello de Betanzos dende 1996. Con anterioridade, tamén desempeñara a función de Interventor nos Concellos de Pobra do Caramiñal, Cederia, Negreira, Lousame, Vimianzo, Guitiriz e Malpica.
