InicioLugo e contornaLugo"Ministra dimisión!": os transportistas toman Lugo nunha nova xornada de folga

“Ministra dimisión!”: os transportistas toman Lugo nunha nova xornada de folga

Máis de 1.000 persoas marcharon dende As Gándaras até o centro da cidade para esixir respostas do Goberno.

PUBLICADA O

- Advertisement -

Continúa a folga de transportistas e cada vez asenta máis o seu foco en Galicia nunha xornada con distintas mobilizacións. Unhas 1.000 persoas participaron nunha marcha a pé entre o polígono das Gándaras e o centro de Lugo no día once de paro no transporte, que volveu a deixar retencións nos accesos a Santiago e as inmediacións da cidade de Vigo polas protestas de transportistas, agricultores, gandeiros e outros colectivos que se sumaron ás mobilizacións.

Escoltados por tres furgóns da Unidade de Intervención Policial (UIP) e axentes da Policía Local, os manifestantes percorreron a distancia que separa o polígono industrial da sede da Subdelegación do Goberno na provincia de Lugo. Ao berro de “Ministra dimisión” e con varias pancartas contra a responsable de Transportes, Raquel Sánchez, e o presidente do Goberno, Pedro Sánchez; a marcha transcorreu por Santo Domingo, a Rúa da Raiña e a Praza Maior ata chegar a Armaya.

En declaracións aos medios, o presidente da Asociación Empresarial de Transporte Río Miño (AETRAM) –unha das asociacións convocantes–, Diego Arias, enxalzou o poder de convocatoria da protesta, que se produce dous días despois da marcha de vehículos que colapsou o centro da capital luguesa. “A ver se a ministra se dá conta dunha vez que non somos unha minoría”, aseverou o transportista, que lamentou que o Goberno siga sen recoñecer como interlocutor á Plataforma de Transporte e se limite a negociar co Comité Nacional do Transporte, co que sentan este xoves. “Somos o 85 por cento do transporte e realmente somos os que estamos na estrada todos os días. A ministra ten que negociar connosco, que somos quen realmente fai o transporte neste país”.

SANTIAGO

En Santiago houbo retencións á primeira hora da mañá no polígono do Tambre e o cruceiro da Coruña provocadas por vehículos agrícolas que retardaron o tráfico no acceso norte da cidade. Pasadas as 10,00 horas, os tractores despexaron estas vías para dirixirse ao polígono da Sionlla, onde volveron a concentrarse camións, tráileres e outro tipo de vehículos coa previsión de saír outra vez en lenta marcha cara á cidade.

Do parque industrial, pasadas as 12,00 horas, regresaron ás estradas cun percorrido similar ao do pasado mércores. A lenta caravana entrou no polígono do Tambre para seguir en dirección ao Cruceiro da Coruña. A ruta, segundo fontes da Policía Local consultadas por Europa Press, está previsto que continúe por San Caetano, Rodríguez de Viguri, Avenida de Lugo e Rúa do Hórreo. Nesta ocasión, os manifestantes poderían dirixirse a Romero Donallo, avenida lindeira ao Ensanche e unha das máis transitadas da cidade.

Trátase do segundo día consecutivo e o terceiro desta semana no que os vehículos profesionais taponan a circulación nas rúas da capital galega. O xoves, tras protagonizar unha caravana nas horas centrais do día, camións e tractores colapsaron algúns dos nós de comunicación con máis tráfico da cidade a última hora da tarde, coincidindo co fin da xornada laboral.

DETENCIÓNS

A Garda Civil detivo a outro transportista acusado de provocar picadas con obxectos punzantes na realización de piquetes vinculados ao paro no transporte de mercadoría. Trátase dun veciño de Sarria de 62 anos que foi arrestado na mañá deste xoves, segundo trasladou o Instituto Armado.

Esta persoa, vinculada ao sector do transporte, está acusada de catro delitos de coaccións, danos e contra a seguridade viaria por causar danos en vehículos con obxectos punzantes en distintos puntos da rede viaria da provincia de Lugo. Con esta son xa 14 as detencións practicadas polas forzas da orde desde o inicio dos paros hai 11 días. Ademais, 578 persoas foron identificadas e e 16 permanecen investigados.

Please wait while you are redirected...or Click Here if you do not want to wait.

ÚLTIMAS

Cortes en Pedrafita pola tractorada galega que pide cambios substanciais nas políticas agrarias da UE

A protesta convocada polas organizacións agrarias galegas Unións Agrarias, Sindicato Labrego Galego e Asaga,...

Consulta xa os horarios dos concertos da Candeloria

O festival lucense A Candeloria anunciou os horarios dos seus concertos, con máis dunha ducia de actuacións...

Queres coñecer ao piloto Jorge Prado e estar no Campionato de España de Motocrós?

Os xornais de Lugo, en colaboración co Concello de Lugo, sorteamos tres entradas dobres...

Detido un condutor que tratou de levar por diante a dous grupos de ciclistas en Lugo

Un home foi detido en Lugo acusado dun delito contra a seguridade do tráfico por tratar...