InicioSociedade'Por Lugo, vai en bus': a campaña para animar a veciñanza a...

‘Por Lugo, vai en bus’: a campaña para animar a veciñanza a usar o transporte público

O portal de información en tempo real do servizo de bus urbano permite "saber en directo canto falta para que o bus chegue á súa parada". 

PUBLICADA O

- Advertisement -

O Tenente Alcalde e concelleiro de Mobilidade, Rubén Arroxo, presentou a campaña Por Lugo, vai en Bus, coa que o Goberno de Lugo pretende fomentar o uso do bus urbano entre a veciñanza. Arroxo explicou que “con esta campaña animamos ás veciñas e veciños de Lugo a que utilice o bus, e aproveite todas as facilidades que o transporte público amosa fronte ao vehículo privado”.

“O bus urbano permite reducir as emisións contaminantes, ademais de aumentar a seguridade viaria ao ter menos vehículos circulando polas rúas, e permite chegar antes ao destino ao non termos que buscar aparcamento”, afirmou Arroxo. A campaña Por Lugo, vai en Bus, comezará coa colocación de imaxes promocionais da campaña nos buses e nas paradas.

Rubén Arroxo destacou as distintas facilidades postas en marcha para que a veciñanza teña información sobre a situación da rede de transporte público. O portal de información en tempo real do servizo de bus urbano, urbanoslugo.com, permite “saber en directo canto falta para que o bus chegue á súa parada”. O Servizo conta coa información en tempo real de 275 paradas, “a totalidade das paradas da zona urbana, as máis concurridas do servizo de transporte público”, explicou o Tenente Alcalde.

A través desta web, a veciñanza pode obter toda a información relativa ao bus urbano, como o mapa de liñas, información sobre as tarifas ou sobre a tarxeta cidadá. Rubén Arroxo destacou que “continuamos a mellorar o bus urbano de Lugo, que co novo modelo permite que practicamente toda a veciñanza de Lugo teña conexión directa co HULA ou coas áreas industriais”. A web únese ás 23 pantallas colocadas nas principais pantallas.

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

A compañía de teatro do Campus de Lugo galardoada na mostra de ‘Teatro Joven’ de Donostia

Deixando a pel da compañía de teatro universitario USC- Lugo obtivo o premio á mellor...

O PPdeG demandará “máximo rigor” na tramitación da planta de biometano de Coeses, en Lugo

O portavoz do Grupo Parlamentario Popular, Alberto Pazos, acompañado dos deputados lucenses Encarna Amigo,...