InicioLugo e contornaLugoO Concello de Lugo valora alugar pisos para cederllos a refuxiados ucraínos

O Concello de Lugo valora alugar pisos para cederllos a refuxiados ucraínos

O consistorio dispón, polo momento, de tres vivendas, pero valorará ampliar a dotación segundo evolucione o movemento poboacional.

PUBLICADA O

- Advertisement -

O Concello de Lugo dispón de tres pisos para acoller refuxiados ucraínos que fuxan da guerra, á vez que explorará a posibilidade de captar pisos de aluguer que abonaría o consistorio para estas persoas. “Temos tres pisos de emerxencia e acollida que puxemos a disposición e estudamos o aluguer porque evidentemente se poida dar que veñan máis persoas que medios propios temos”, sinalou a rexedora luguesa, Lara Méndez, en declaracións aos medios nun acto celebrado este xoves.

A alcaldesa apostou por “articular instrumentos e canles para tentar dar resposta a estas persoas, a estas familias que o están pasando tremendamente mal, nunha situación tremendamente inxusta que non se tería que dar”. “Os que ocupamos cargos públicos facémolo para mellorar e transformar as sociedades, nunca con este sentido, nin con este fin de tentar colonizar polo feito de ter poder”, reprochou en alusión ao Goberno ruso.

A alcaldesa de Lugo lamentou que “fracasase a vía diplomática, a vía do diálogo e do entendemento”. “Temos que actuar e témolo que facer desde a responsabilidade, entendendo que quen sofre estas consecuencias son persoas, familias, nenos, pais e avós que se están vendo obrigados a deixar o seu fogar e o seu país porque teñen que escoller entre vivir e morrer”, sentenciou. Méndez confirmou finalmente que o Concello de Lugo púxose a “disposición” do goberno central e da Xunta para xestionar a chegada de refuxiados.

ÚLTIMAS

Altri sobre a súa planta en Palas: “non emitirá dioxinas nin será prexudicial para a saúde”

Greenfiber, do grupo portugués Altri, defende que a planta de fibras téxtiles que proxecta...

Cáritas advirte da existencia dunha “feminización da pobreza” na cidade durante o 2023

Cáritas Diocesana de Lugo alertou este xoves, durante o acto de presentación dos datos recolleitos...

Olano censura que Sánchez deixe a Lugo sen alta velocidade e “obrigue a Tomé a contar unha mentira que non cre ninguén”

O deputado por Lugo no Congreso Jaime de Olano censurou este xoves que o Goberno que dirixe Pedro Sánchez...

Un home acusado de abusar sexualmente da súa filla en Vilalba nega os feitos: “Nunca a toquei”

A Audiencia Provincial de Lugo acolleu este xoves a celebración do xuízo contra un...