InicioLugo e contornaA Xunta recomenda o consumo "responsable" da auga en Lugo pola alerta...

A Xunta recomenda o consumo “responsable” da auga en Lugo pola alerta de seca

Vén de demandar ao goberno que active o plan de seca na cunca Miño-Sil.

PUBLICADA O

- Advertisement -

A conselleira de Infraestruturas e Mobilidade, Ethel Vázquez, reclamou este domingo á Confederación Hidrográfica Miño-Sil, dependente do Ministerio para a Transición Ecolóxica, que active xa o seu plan de seca e que faga un “seguimento exhaustivo” aos caudais dos ríos da conca e aos seus encoros.

Nunha entrevista concedida á Radio Galega, recollida por Europa Press, Vázquez mostrou a súa preocupación porque esta demarcación hidrográfica atópase nunha situación “similar” á de Galicia Costa, sobre a que ten competencias a Xunta e na que o pasado luns Augas de Galicia activou a prealerta por seca.

Tal e como lembrou a conselleira, a esta situación chegouse debido a que o primeiro mes do ano deixou en toda a Comunidade un nivel de precipitacións un 64 por cento inferior á serie histórica, mentres que os caudais dos ríos están un 43 por cento por baixo da media dos xaneiros da última década.

Esta activación afecta a 12 dos 19 sistemas de abastecemento da demarcación Galicia Costa, situados entre Baiona e a ría de Betanzos. Quedaron fóra da prealerta o sete restantes, situados entre a comarca coruñesa de Eume e Ribadeo, porque están “en normalidade”, segundo confirmou Ethel Vázquez.

RECOMENDA “CONSUMO RESPONSABLE”

Así, Vázquez dirixiuse a todos os concellos de Lugo e Ourense para que “apliquen os seus plans de emerxencia”, fagan unha xestión da auga “o máis eficiente posible” e recomenden un “consumo responsable”. Con respecto á conca Galicia Costa, a conselleira descartou que a curto prazo se produza desabastecemento porque os seus encoros están “en niveis normais”. Puxo o exemplo das presas de Eiras e Zamáns, en Vigo, que está ao 80 por cento da súa capacidade.

Os problemas, segundo detallou posteriormente, poderían chegar para a primavera se as precipitacións seguen sendo “escasa”, tal e como se prevén para este febreiro a pesar da xornada de choivas xeneralizadas que hai este domingo na Comunidade. “Temos que reforzar entre todas as administracións o consumo responsables e evitar fugas”, dixo Vázquez, para dirixirse aos concellos e instarlles a activar os seus respectivos plans de secas –actualmente, só 104 o elaboraron–.

Please wait while you are redirected...or Click Here if you do not want to wait.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...