O Concello de Lugo contará cun reforzo de vixilancia policial para evitar altercados os fins de semana, despois de que se viviron varios incidentes nos últimos meses.

A alcaldesa de Lugo, Lara Méndez, e a subdelegada do Goberno, Isabel Rodríguez, reuníronse este mércores para planificar o operativo policial que se activará.

Respecto diso, Isabel Rodríguez remarca que Lugo é un dos municipios máis seguros de Galicia, onde as estatísticas policiais reflicten un descenso do 9,8% dos delitos respecto dos rexistrados antes da pandemia.

Pola súa banda, a rexedora apelou á responsabilidade individual para “alcanzar unha convivencia cidadá respectuosa cos dereitos de todos e todas”, ao tempo de que avisa que se sancionará a quen incumpra as normas.

Tras asegurar que Lugo é o municipio “máis seguro de Galicia”, Lara Méndez dixo ser “consciente” da “preocupación social” debido aos últimos altercados rexistrados no centro histórico.

Noutra orde de cousas, Méndez e Rodríguez supervisaron a modernización da liña ferroviaria que Adif executa esta semana en Infanta Elena. Estes traballos, que finalizarán esta semana, teñen por obxectivo a demolición dun paso elevado na confluencia da avenida con cálea Vía Láctea.