InicioPolítica O BNG organiza o desbroce entre os paseos do Miño e...

[Vídeo] O BNG organiza o desbroce entre os paseos do Miño e o Rato

O BNG organiza unha brigada de desbroce no paso de 300 metros entre os dous paseos para amosar que a limpeza non suporía un esforzo para o Concello

PUBLICADA O

- Advertisement -

“Temos o luxo de vivir nunha cidade rodeada de espazos que son unha autentica marabilla, mais a pesar disto as administracións fan moi pouco por mantelas atendidas”. Así xustificou Rubén Arroxo, candidato do Bloque Nacionalista Galego á alcaldía de Lugo, a organización dunha brigada para desbrozar a vexetación no paso que une os paseos do Rato e o Miño. A formación xa anunciara a reedición desta medida para forzar ao Concello a limpar o camiño, á beira da N-VI.

O voceiro nacionalista explicou que resulta “pouco coherente” que a administración esixa a limpeza dos terreos aos respectivos propietarios cando incumpre a mesma normativa. O BNG, que xa realizara este acto simbólico hai un ano, segue a reivindicar un paso accesible e coidado que conecte os parques dos ríos Miño e Rato.

Coa roza deste sendeiro, duns 300 metros, a fronte rupturista tenta amosar que a limpeza apenas suporía esforzo para o Concello. “Non é aceptable que se deixe pechar o camiño pola maleza; non era posible cruzarse dúas persoas”, explicou Arroxo, crítico coa falta de previsión e a xestión dos espazos verdes da cidade de Lugo.

 

 

ÚLTIMAS

A neve e a choiva dificultaron este domingo a circulación nas estradas de 10 concellos de Lugo

A Deputación de Lugo activou este domingo un operativo para facer fronte aos efectos...

A restauración da Capela da Soidade de Lugo terminará en abril e permitirá a saída dos pasos de Semana Santa

As obras de restauración da Capela da Soidade da Venerable Orde Terceira en Lugo...

A neve complica a circulación e corta o paso de camións na A-6 desde Portela de Valcarce a Pedrafita

A neve caída nas últimas horas complica a circulación e corta o paso de...

Cervantes rexistra ata 20 centímetros de neve nunha xornada na que a Deputación despexa as estradas

O Concello de Cervantes foi un dos máis afectados na provincia de Lugo pola...